Արտաշատի Ամո Խարազյանի անվան պետական դրամատիկական թատրոնում երրորդ անգամ կմեկնարկի Արտաշատի հանրապետական թատերական փառատոնը։
-ի փոխանցմամբ՝ այս մասին հաղորդագրություն է տարածել ՀՀ ԿԳՄՍ նախարարությունը։
Փառատոնն անցկացվում է ԿԳՄՍ նախարաության, Արարատի մարզպետարանի, Արտաշատի համայնքապետարանի աջակցությամբ և Հայաստանի թատերական գործիչների միության հետ համագործակցությամբ:
Նոյեմբերի 1-9-ը հանրապետության 11 թատրոններ հանդես կգան իրենց լավագույն ներկայացումներով (խաղացանկը), որոնք նախատեսված են թե’ փոքրերի, թե’ մեծահասակների համար։
Փառատոնի հանդիսավոր բացումը տեղի կունենա նոյեմբերի 1-ին՝ ժամը 18։30-ին, Սոս Սարգսյանի անվան Համազգային թատրոնի «Մարդը ափի մեջ» ներկայացմամբ։
Փառատոնի շրջանակում տեղի կունենա նաև թատրոնի նախկին աշխատակից Գրիշա Եփրեմյանի նկարների ցուցահանդեսը՝ նվիրված նրա 100-ամյակին։
Նոյեմբերի 9-ին տեղի կունենա փառատոնի հանդիսավոր փակման արարողությունը՝ Երևանի մնջախաղի պետական թատրոնի «Ուրվականների սոնատը» ներկայացմամբ:
