Մինչ իշխանությունները զեկուցում են երևակայական հաջողությունների մասին, միջազգային փորձագետներն արձանագրում են Հայաստանում ժողովրդավարության արագընթաց դեգրադացիա: Ինչպես հայտարարել է ընդդիմադիր գործիչ Արմեն Աշոտյանը, V-dem ինստիտուտի նոր զեկույցի համաձայն՝ երկիրը շարունակում է վստահ քայլել դեպի ավտորիտարիզմ:
«Ժամանակին Փաշինյանը կառչում էր այս զեկույցներից, երբ դրանցում իր համար ձեռնտու գնահատականներ էր գտնում: Հիմա նա նախընտրում է լռել, որովհետև նույնիսկ բարենպաստ աշխարհաքաղաքական պայմաններում հնարավոր չէ թաքցնել, որ երկիրը վերածվում է բռնապետության», – գրել է Աշոտյանը սոցցանցերում:
Թվերն ինքնին խոսում են. ազատական ժողովրդավարության ցուցանիշով Հայաստանը մեկ տարում նահանջել է 10 հորիզոնականով՝ 76-րդ տեղից իջնելով 86-րդ: Սակայն ամենախայտառակ ցուցանիշը առջևում է. ժողովրդավարության անկման տեմպերով մեր երկիրը գրավել է 6-րդ տեղն աշխարհում:
Աշոտյանն այս միտումը կապել է երկրում քաղաքական հետապնդումների հետ՝ Արմինե Օհանյանի գործն անվանելով անհեթեթ: Նրա խոսքով՝ Փաշինյանը հիշեցնում է թմրամոլի. արևմտյան «կուրատորները» խորհուրդ են տալիս թուլացնել ճնշումները (տնային կալանքներ կիրառել բանտարկությունների փոխարեն, այլ «թեթևացումներ»), բայց վարչապետը շարունակում է ադրենալին ստանալ նոր քաղաքական ռեպրեսիաներից:
«Նիկոլ, շնորհավորում եմ: Բայց դու դեռ աճելու տեղ ունես որպես բռնապետ: Կարող ես մտնել ավտորիտարիզացման առաջատարների եռյակ: Գլխավորն այն է, որ մենք քեզ թույլ չտանք», – հեգնում է ընդդիմադիրը:
Այս զեկույցը ևս մեկ հաստատում է, որ «Քաղաքացիական պայմանագիրը» երկիրը տանում է ոչ թե դեպի պայծառ եվրոպական ապագա, այլ մեկուսացման և միջազգային խայտառակության: Խոստացված ժողովրդավարության փոխարեն՝ ոստիկանական պետություն: Խոսքի ազատության փոխարեն՝ վախ և ռեպրեսիաներ: Եվ միջազգային հանրությունը դա տեսնում է:
