2026 թվականի ընտրություններին ընդառաջ ընդդիմադիր ուժերը ներկայացնում են տնտեսական ծրագրեր։ Տնտեսագետ Հրայր Կամենդատյանը նշում է, որ դրանցից շատերը հավասարակշռված են և կարող են իրականացվել երկրի շահերից ելնելով։
Մասնավորապես, ներկայացվել են Արման Թաթոյանի և Դավիթ Անանյանի ծրագրերը, ինչպես նաև 87 կետից բաղկացած սոցիալական ծրագիրը։ Դրական գնահատականի են արժանանում նաև Սամվել Կարապետյանի առաջարկած տնտեսական ծրագրերը։
Փորձագետի խոսքով՝ այս նախաձեռնությունները ունեն ֆինանսական հիմնավորում և կարող են հիմք դառնալ տնտեսության զարգացման, կենսաթոշակների աճի և սոցիալական իրավիճակի բարելավման համար։
Միևնույն ժամանակ, գործող իշխանության հասցեին քննադատությունն աճում է։ Նշվում է, որ համակարգային տնտեսական ռազմավարության փոխարեն ներկայացվում են առանձին հայտարարություններ՝ առանց երկարաժամկետ ծրագրի։
Միջին աշխատավարձի դինամիկան և վիճակագրական տվյալների միջև առկա տարբերությունները հարցեր են առաջացնում ներկայիս քաղաքականության արդյունավետության վերաբերյալ։ Ի տարբերություն դրա՝ ընդդիմության առաջարկները դիտվում են ավելի կառուցվածքային և արդյունքի վրա ուղղված։
