Սամվել Կարապետյանի ձերբակալությունից հետո՝ ռուս գործարարները զգուշավոր են դարձել Հայաստանում իրենց նախագծերի հեռանկարները գնահատելու հարցում. Կալուգին

Ռուս գործարարները զգուշավոր են դարձել Հայաստանում իրենց նախագծերի հեռանկարները գնահատելու հարցում՝ Սամվել Կարապետյանի ձերբակալությունից հետո, РИА Новости-ին ասել է ՌԴ Արտաքին գործերի նախարարության ԱՊՀ երկրների չորրորդ դեպարտամենտի տնօրեն Միխայիլ Կալուգինը։

«Սամվել Կարապետյանը 6 ամիս է կալանքի տակ է՝ առանց դատարանի որոշման և այս միջավայրում այլ ձեռնարկատերեր սկսել են զգուշորեն գնահատել իրենց նախագծերի հեռանկարները ՀՀ-ում և կասկածի տակ դնել ներդրումային միջավայրի կայունությունը, որը դժվար թե կպահպանի երկկողմ առևտրի վերելքի տեմպը»,- հայտարարել է ՌԴ ԱԳՆ ներկայացուցիչ Միխայիլ Կալուգինը։
—

Մոսկվան պատրաստ է խորհրդակցել Երևանի հետ՝ «Թրամփի ուղի» նախագծին Ռուսաստանի հնարավոր մասնակցության վերաբերյալ։ Ինչպես հայտնում է РИА Новости-ն, այդ մասին ասել է ՌԴ արտաքին գործերի նախարարության ԱՊՀ երկրների չորրորդ դեպարտամենտի տնօրեն Միխայիլ Կալուգինը։

«Հայ-ամերիկյան նախագծի մանրամասները դեռ պետք է ուսումնասիրվեն։ Մենք պատրաստ ենք խորհրդակցել մեր հայ գործընկերների հետ՝ քննարկելու ինչպես նախաձեռնության պարամետրերը, այնպես էլ Ռուսաստանի հնարավոր մասնակցությունը»։

Նրա խոսքով դրա համար կան բավարար հիմքեր։