Ալբանիայի Դյուրես քաղաքում անցկացվող ծանրամարտի Եվրոպայի երիտասարդական առաջնությունում Հայաստանի հավաքականը հոկտեմբերի 30-ին նվաճեց երկամարտի ոսկե եւ արծաթե մեդալներ։
71 կգ քաշայինների պայքարում Տիգրան Կարապետյանն առաջինն է, Նարեկ Գրիգորյանը՝ երկրորդը։
Տիգրան Կարապետյանը երկամարտում հավաքեց 321 կգ (145+176)՝ սահմանելով երիտասարդների Եվրոպայի ռեկորդ։
Նարեկ Գրիգորյանի արդյունքը երկամարտում 318 կգ է (143+175)։
Ժամը 20:00-ին մինչև 23 տարեկանների առաջնությունում պայքարի մեջ կմտնի 71 կգ քաշային Գոռ Սահակյանը:
