Սաուդյան Արաբիայի առաջնության 28-րդ տուրում «Ալ Նասրը» մրցակցի խաղադաշտում 2:0 հաշվով առավելության է հասել «Ալ Օխդուդի» նկատմամբ։
«Ալ Նասրի» կազմում գոլի հեղինակ են դարձել պորտուգալացի հարձակվողներ Կրիշտիանու Ռոնալդուն ու Ժոաու Ֆելիքսը։
41-ամյա Ռոնալդուն կարիերայում գոլերի թիվը հասցրել է 967-ի։ Ընթացիկ առաջնությունում «Ոսկե գնդակի» 5-ակի դափնեկիրը 24 խաղում դարձել է 24 գոլի ու 2 ասիստի հեղինակ։
«Ալ Նասրը» 73 միավորով գլխավորում է մրցաշարային աղյուսակը և 5 միավոր առաջ է երկրորդ տեղում գտնվող «Ալ Հիլյալից»։
