Գրենլանդիայի հանքարդյունաբերության նախարար Նաաջա Նաթանիելսենը մերժել է ԱՄՆ-ի մասնակցությունը կղզու բնական պաշարների բաշխմանը: Նա նշել է, որ ոչ մի արտաքին ուժ չպետք է որոշի Արկտիկական տարածքի պաշարների ճակատագիրը:
Politico-ին տված հարցազրույցում Նաթանիելսենը ընդգծել է, որ Գրենլանդիան «մտադրություն չունի համաձայնելու, որ հանքային ոլորտի ապագա զարգացումը որոշվի Գրենլանդիայից դուրս»:
Նա նշել է, որ կղզին ունի հանքային զգալի պաշարներ: Նրա խոսքով՝ դրա հազվագյուտ տարրերի պաշարները կարող են ծածկել համաշխարհային պահանջարկի մոտ մեկ քառորդը:
Գրենլանդիան նաև պարունակում է նավթի, գազի, ոսկու և մաքուր էներգիայի համար անհրաժեշտ մետաղների մեծ պաշարներ:
ԱՄՆ նախագահ Դոնալդ Թրամփը հայտարարել էր, որ ՆԱՏՕ-ի գլխավոր քարտուղար Մարկ Ռյուտեի հետ «ապագա պայմանագրի վերաբերյալ շրջանակային համաձայնության» է հասել Գրենլանդիայի վերաբերյալ: Համաձայնագրի մանրամասները չեն բացահայտվել:
