Հայաստանի Հանրապետության էկոնոմիկայի նախարար Գևորգ Պապոյանն այցելել է Արագածոտնի մարզի Ծաղկահովիտ համայնքում կառուցվող ոչխարաբուծական ֆերմա։
-ի հաղորդմամբ՝ այս մասին «Ֆեյսբուք»-ի իր միկրոբլոգում նշել է նախարար Գևորգ Պապոյանը՝ մանրամասնելով, որ համայնքի ղեկավար Նորաին Հակոբյանի հետ շրջել են կառուցապատվող տարածքում ու ծանոթացել աշխատանքների ընթացքին։
«Ֆերմայում նախատեսվում է պահել շուրջ 200 գլուխ ֆրանսիական բլանշ ցեղի տոհմային ոչխար՝ հետագայում գլխաքանակի ավելացման հեռանկարով»,-նշել է Էկոնոմիկայի նախարարը։
Նա նաև հավելել է, որ տեղում ներկայացրել է անասնաբուծության ոլորտի պետական աջակցության գործիքակազմը, մասնավորապես՝ «Ոչխարաբուծության և այծաբուծության զարգացման 2024–2028 թթ.» ծրագիրը, որով շահառուները կարող են ձեռք բերել բարձր մթերատու տոհմային կենդանիներ և ստանալ դրանց արժեքի մինչև 50%-ի փոխհատուցում։
