2025 թվականի առաջին 8 ամսվա ընթացքում Հայաստանում ինքնավար էլեկտրաարտադրության ծավալը կազմել է 576 մեգավատ:
-ի փոխանցմամբ՝ «ՀՀ 2026 թ. պետական բյուջեի մասին» օրենքի նախագծի քննարկման ընթացքում այս մասին հայտնեց Հանրային ծառայությունները կարգավորող հանձնաժողովի նախագահ Մեսրոպ Մեսրոպյանը:
«2024 թվականին՝ 2023 թվականի համեմատությամբ, ինքնավար էլեկտրաարտադրությունն աճել էր 152 մեգավատով, իսկ միայն 2025 թվականի հունվար-օգոստոս ամիսների ընթացքում ինքնավար էլեկտրաարտադրության մեջ ներգրավված կայանների հզորությունն աճել է 155 մեգավատով՝ 2025 թվականի սեպտեմբերի 1-ի դրությամբ կազմելով ընդհանուր 576 մեգավատ։ 2026-ին կանխատեսվում է, որ կհասնի 700 մեգավատի»,- ասաց Մեսրոպյանը:
ՀԾԿՀ ղեկավարը նշեց՝ ինքնավար էլեկտրաարտադրությունը շարունակում է լինել վերականգնվող էներգետիկայի ամենաարագ զարգացող ուղղություններից մեկը: Ըստ կանխատեսման՝ հաջորդ տարի շուկայի ազատականացման հատվածում սպառողներին առաքվող էլեկտրաէներգիայի մասնաբաժինը կհասնի էլեկտրաէներգիայի ներքին սպառման 41.4 տոկոսի:
